2. A. 1. R.Tabine Rēzeknes Birzgaļu pagastā.

Reizi zemnīks nūbraucja uz azarmali pi zvejnīkim un nūpierka skaliņi zyvu. Braukdams uz muojuom uz ceļa jis atroda nadzeivu lopsu. Prīcīgs, ka byus sīvai kažūkam apakle, ķēra tū, svīdja rotūs un steidzjās uz muojuom. Cikom zemnīks dzyna zyrgu, tikom lopsa vylka pa zivtiņai nu skaliņas un svīdja uz ceļa. Tai lopsa pa vīnai vīn zivtiņai izsvīdja vysas zivis un paša arī izlēcja nu rotu. Zemnīks, rotu prīkšā sādādams, i napadūmuoja, ka lopsa taidu jūku var jam iztaisīt. Viņš tukšā ībraucja muojuos, bet lopsa salasīja vysas zivis, nūnesja uz mežu un apēdja.