5. A.103. N. Rancāna krājums, Rēzeknē.

Beja vinam saiminīkam kaķis. Koleidz beja jaunuoks, tad labi vīn gyustīja peles, bet ka palyka vacuoks, nagribeja vairs iiikuo dareit, tikai giileja uz cepla un zoga nu saimineicas pmu. Golā atbuoda saimineicai un jei padzyna kaķi prfijom. Bedeigs kaķis suoka staiguot pa teinimu un mežu, makladams sev ar kii puorsabaruot, īdams satyka lopsu. Lopsa suoka sūleitīs, lai kaķis jū pajem par sīvu. Kaķeits padumuoja un aizguoja uz lopsas ustobiņu, kura natuoli beja. Lopsa pījeme kaķeiti kai nalobuok, izvuorēja gordu azaidu un pabaruoja kaķi. Tai suoka dzeivuot kaķis ar lopsu. Vīnu reizi atskrēja zaķis un klaudzynuoj pī lopsas durovu. "Kas te?" vaicoj lopsa. "Kyumeņ, voi varēs puorgulēt?" lyudz zaķeits. "Voi, na! Tagad man ir veirs ļūti dusmeigs un styprs. Bēdz pa celi, cytaiž jis tevi apēs", atbild lopsa. Zaķeits nusabeidis tyulen nūbaga un pastuostīja cytim zvērim, kaids veirs ir lopsai. Tad sadumuoja vysi zvēri, gribādami ipasazeitis ar lopsas veiru, sataiseit lobu azaidu un aicynuot uz azaidu lopsu un juos veiru. Tai sasarunuojuši, kotrs nu jū atnese, kū varēja. Luocs atnese zyrgu, vylks teli, zaķeitis dabuoja kuopūsteņu un vuovereite daudzi rykstu, tai ka vakareņas beja ļūti boguotas. Kad vyss beja gotovs, tad nusyuteja zaķeiti uz lopsu. Lopsa nūsapricuoja taidam gūdam un lyka zaķam pīsaceit cytim zvērim, ka jī byutu ļūti laipni ar juos veiru, juo cytaiž var nūtikt nalaime. Zaķeits, zynuoms, atguojis labi vīn pībaidēja. Tad luocs, moz dūmuodams, īkuope kukā, vylks īsakase zorus, zaķeits un vuovereite leida kryumūs. Par nazcik laika atguoja lopsa ar sovu veiru. Kaķeits tyulen lykuos pī gaļas un, pacelis ūsas, sprausluo-dams un ņurdēdams, suoka ēst. Tam laikam vylks, gulādams zarūs, pakustynuoja ar asti. Kaķeits īraudzējis padūmuoja, ka pele, un kryta uz astes. Vylks tryukuos un suoka bēgt naatsavārdamīs.

Kaķis ari nūsabeidis nū vylka, izskrēja kūkā, kurā beja luocs. Luocs arī, radzādams tryukšanūs, kryta nū kūka nūsasyta. Un toi vysi izbāgalēja, palyka tik lopsa ar kaķi prīcuodamīs, ka tiks gaļas par vysu zīmu.