15. A. 330 A. A. Gari-Juone no 53 g. veca A. Puduļa Rēzeknē.

Reiz dzeivuoja vīns kalējs, kurs beja ostuoņdesmit vīnu godu vacs. Tad Dīvs jam sacīja, lai ītu tam pakaļ, jo laiks ir jū nūnuovēt. Tūreiz kalēj.s iztaisīja taidu gultu ar pederēm, kurai Nuove navarēja tikt kluot. Nuove ari natyka kluot. Tad jis iztaisīja taidu krāslu, kurā kad īsasāda, tad saspīdja suonus. Kalējs lyka Nuovei sēdēt taidā krāslā un saspīdja jai suonus. Vēļ kalējs lyka Nuovei īleist rīksta čaumulā. Kad Nuove īleida čaumulā, kalējs čaumulas caurumu azlypynuoja un tai Nuove čaumulā nustuovēja treis godus.

Muocītuojs suoka meklēt Nuovi. "Kurs atrass Nuovi, tys daluos daudzi zalta naudas," sacīja muocītuojs. Tod kalējs aizguoja pyrmais uz baznīcu ar rīksta čaumulu, kurā beja iškā Nuove. Jis palaidja Nuovi baznīcā un par tū dabuoja daudzi zalta naudas. Nuove, sprukuse nu rīksta čaumulas, beja troki nikna un par taū grīza ļaudis bez žēlestības.