Velns par labdari.

 

10. (A.362). Teicēis A. Zīmels Jāsmuižas pag. Kultūras balss kr.

Dzeivuoja vacs un nabadzīgs vecīts. Kaidā pavasara dīxrā vecīts izauoja teirumā īsēt mīžu. Sēj vecīts mīžus un lyudzas Dīva, lai Dīvs izaudzej par dorbu. Valnam beja skaudība, ka vecīts juo nasalyudzja, un jis skrēja ar lelu auku., mīži vysi izbyra. Palyka vecīts rauduodams. Valns aizskrēja uz elni prīcīgs tin pastuostīja vacuokajam valnam par sovu darbu. Vacuokais v alns sasadusmuoja un soka : "Jis taids nabogs un tu tai izdarīji! Ej un kolpoj vecīšam treis godi!"

Valns atguoja pi vecīša un soka: "Vai atguodoj, ka es izbēru tovus mīžus?"

"Atguoduoju gon, bet Dīvam par gūdu!" atbildēja vecīts. "Par tū es pi tevis struoduošu treis godi!" soka valns.

.,Kū tu pi manis darīsi, es nabogs, man pašam nav dorba!" soka vecīts. "Es sev dorbu atrasšu!" soka valns um palyka pi vecīša par kolpu.

Pyrmajā godā valns aizguoja pi meža sorga bolkas cierst. Meža sorgs paruodīja valnam izcierst 1elu gobolu meža. Valns vīnā dīnā nūcierta vysu mežu, un atguojis pi meža sorga, soka: "Dorbs jau podarīts!"

Meža sorgs prosa, cik moksuot, un valns atbild: "Vīnu! nostu!"

Meža sorgs beja ar mīru īdūt struodnīkam vīnu nostu par cieršonu. Valns nūveja gartr un rasnu viervi, sakruovja tymā vysu

nūcierstū mežu un atnesja vecīšam. Vecīts nu bolkom sataisīja sev muojas.

Utrā godā valns aizguoja pi kunga sīna pļautu. Kungs paruodīja lelu pļovas gobolu. Valns vīnā dīnā nūpļuovja vysu plovu un vokorā soka kungam: "Dorbs jau padarīts!"

Kungs sūlēj šaidu un taidu moksu, bet valns paprasīja tik vīnu nostu sīna. Kungs beja ar mīru un atļuovja valnam pajemt vīnu nostu sīna. Valns tymā pašā viervē salyka vysu nūpļautū sīnu un aiznesja vecīšam.

Trešā godā valns aizguoja pi cyta kunga rudzu pļautu. Kungs parvuodīja lelu gobolu. Valns vīnā dīnā nūpļuovja vysu gobolu un soka kungam: "Dorbs jau padarīts!"

Kungs sūlej valnam moksu, bet valns izprasīja vīnu nostu rudzu. Kungs atļuovja. Valns salyka vysus rudzus vīnā nostā un atnesja vecīšam. Tai vecīts palyka boguots, bet valns prīcīgs aizskrēja uz sovu elni.