7. A. 451. A. Gari-Juone no 40 g. vecas M. Dortholcas, Dricēnos. Kultūras balss kr.

Vīnam tāvam, boguotam, labi puortykušam, beja divpadsmīt dālu, bet jis gribēja lai byutu kaut vīna meita. Muote soka: "Jo treispadsmituo rasīs meitine, tad es puorluodēšu vysus divpadsmit dālus."

Pēc kaida 1aika atsaroda treispadsmyts bārns un tei beja meitine. Moute vysus dālus puorluodēja, lai tī palīk par gulbim. Vysi divpadsmit dā.li aizskrēja par gulbim.

Tai auga meitine, nikuo nazynuodama par sovim bruoļim. Kod jau jei beja labi pruova, reizi cyluodama drēbes, soka: "Mām, par kū te tik daudzi puišu kraklu?"

Muote pastuostīja, ka jai beja divpadsmit dālu, un jei gribēja lai byutu meitine, un tai jei vysus puorluodēja, tī palyka par gulbim.

Meitinei palyka cīši žāl bruolu un jei gribēja jūs kai izpestēt. Aizguoja pi rogonas, rogona pastuostīja, ka jī vysi kotru dīnu mauduojas azarā, lai jei nu osas zuoles sapyn mēneša laikā divpadsmit kraklus, un kad jī atskrīs mauduotūs, lai dreiži izsvīž viersā, tod bruoļi paliks par cylvākim.

Meitine stuojas pi dorba; caurom naktim plēsja zuoli un pyna bruoļim kraklus. Tei zuole beja cīši osa un grīzja rūkas, meitinei ašni vīn škeida pa rūkom, pynūt kraklus, bet jei vys pyna.

Atguoja tys laiks, kod vajadzēia svīst kraklus, jei redz: atskrīn divpadsmit gulbi, nūsamet azarā mauduotīs, bet jei divpadsmytais krakls vē bež pīdurknem - nikuo darīt, jei svīž . . .

Vysi gulbi palīk par eistim cylvēkim, bet divpadsmytais, kuram beja krakls bez pīdurknem, palyka ar spuornim. Vysi bruoļi prīcīgi aizguoja uz sātu, tai jūs muosiņa ratavuoja [izglāba].