Vīrs ceļo uz elli.

 

25. A. 477. A. Gari-Juone, no S. Kubinīka Domopolē.

Salomons beja lels gudrinīks, jis zynuoja vysu, kas ir viers zemes, un vēļ gribēja izzynuot, kas ir viņā pasaulē. Salomons aizīt uz elli. redz tur daudzi valnānu un vīnu vysleluoku valnu Luciperi. Jis vaicoj valnānim: "Kū Jyus dorat?"

"Cylvākus kardynuojam, izdūmuojam vysaidus leidzekļus, kai cylvākus nūvest da ļaunim dorbim," - atsoka valnāni.

Taidi valnu dorbi napateik Salomonam, jis pajem un Luciperi īkaļ dzeļžūs un pats suok dzīduot: "Allēlūja".

Pēc tam Salomons atstuoja elli, Lucipers palyka īslāgts dzelžūs un leidz pasaules golam natiks vaļā. Izstaiguojis pa elli, Salomons guoja meklēt dabasus, bet tūs tik dreiži naatroda un varbyut vēļ šūdin meklej dabasus.