Dažādi kustoņi par palīgiem.

7. V. Zacharska no A. Regžas Rēzeknes apr. Rozentavas pag. Latvju kultūras kr.

Tuoļi aiz jiuru kaidā treisdasmytā kēnestī, senejūs laikūs dzeivuoja šai pasaulī divi oklas muosys. Itī muosys dzeivuoja na cīši labi, jī kotru dīnu vīna ar ūtru lomuojās un plēsās. Vīnu reizi muosys tai pazakuova, ka vīna ūtrai puorsyta golvu. Jaunuoikai muosai tyka mozuok kai vacuokai, par tū vacuokā sazalasējās īt paceļu nu jaunuokys muosys. Suoka muosys dalēt sovu mantu un otkon pazakuova, jaunuokā muosa satvēra nazi un puorgrīza koklu sovai vacuokai muosai. Īraudzēja jaunudkā muosa, ka juos vacuokā muosa jau nadzeiva, jei salasēja vysu montu, koč okla, izguoja nu ustobvs un nūguoja. Nakti jei izguaja pa yisu cīmu un izguoja teirumā.
Pi itūs muosu sātā uz cepļa beja vīns malns kačs. Jis īaudzēja, ka juo saimineica guļ uz zemis, vysa ar ašni. Kačs daguoia pi juos un suoka ar mēli laizēt jai vuoti, un nagribādams tyka ar mēli jai ari acīs. Muosa nu reizis atsadzeivynuojās un suoka vysu redzēt, bet paceltīs nu greidys jai nabija spāka, par tū ka nu juos daudz ašņa iztecēja. Jei suoka prasēt kači, kab jis jai paleidzeitu pazaceltīs. Kačs paleidzēja jai pazaceļtīs un jī obadivēji ar kači sazarunuojās īt mekleitu muosys, kura apjāmjavysu montu un nūguoja, nazynuoma kur. Izguoja jī abadivēji ar kači cīši nūmūceiti, un jīm nabeja kū ēst. Cik jī guoja pa ceļu, ar kū tik sazatūp, prasa kaut kū paēst, bet jīm nikas nadūd. Cik jī naguoja, nūzamūcēja un cīši pīkusa. Jī iraudzēja zam zemis vīnu ustobeņu un īguoja tī uz naktis muoju. Tymā ustabeņī dzeivuaja vīns brīsmeigi lels suns, kurijis īdevja ceļa veirim kaut kū paēst. Suns taipat ar mēli aplaizēja muosai vuoti un paguldēja jū atsapyustīs, a suns ar kači nūskrēja pec tuos jaunuokuos muosys. Cik tī suns ar kači skrēja, dīnu, vai divi, vai treis, bet dadzyna tū jaunuokū muosu. Suns jū sazraustēja gobolūs, sajāmja tū montu un atskrēja uz sovu zemis ustobeņu, kur gaidēja jūs vacuokā muosa. Atskrēja suns ar kači un veras, ka vacuokys muosys nav, vīni kauleņi guļ, nazkas jū sapleisja. Kū darēt suņam ar kači? Jī nūrauduoja ar gaužim osorim un palyka dzeivuot divējūs. Tai varbyut jī vēļ tagan dzeivoj, ka vēļ nanūspruoga, un kauly jūs nasapyva.