Kaķis palīdz puisim.

14. A.545 B. L. Uļjāna Latgalē. Latvju kultūras kr.

Dzeivuoja treis bruoļi: divi gudri, vīns muļkis. Vacuokī bŗuoļi kod izzadalīja, atstuoja jaunuokajam bruoļam, muļķīšam, tikai cepli. Kad beja saule, tad mluļkītis sēdēja uz cepļa, bet kad leja leits, tad leida ceplī.
Vīnu reizi medinīki guoja lopsas medītu. Lopsa aiz nuoves bailem nazynuoja, kur skrīt. Daskrējuse pi cepļa, jei lyudzja muļkīti, lai īlaiž viņu vydā, sacīdama: "Byušu es tev kaidu reizi izgodna."
Muļkīts pījēma lopsu ceplī un obi gulēja, koleidz medinīki paguoja garum. Tod lopsa izleida nu cepļa, aizskrēja uz ceļa molu, tur atsagula un itkai aizmyga. Braicia garum capuru tierguotuojs. Atradis nadzeivu lopsu, izlyka jū uz capuŗu vazuma un braucja tuoļuok. Lopsa pa vīnai vīn izsvaidija vysas capures un galīgi paša izlēcja nu rotim, salasīja vysas capures un atnesja muļķīšam. Pajēmja jei muļķīti un guoja obēji uz jyuras molu un capures ari leidza nesja. Daguoja pi jyuras, atroda laivu un īsasāda obi laivā. Lopsa beja par laivas dzinēju, bet muļkam pīsacēja, lai pa jyuru kaisa capures. Braucja, braucja un pībraucja pi molas. Tur beja jau cyta vaļsts. Atsavēŗa uz jyuru un īraudzēja vysā jyurā leidz kai cylvāku golvas ar capurem. Lopsa pasacīja, lai muļkis sēd uz jyuras molas, bet paša aizguoja uz kēniņa pili, pasacīt kēniņam, ka ir atbraucis cytas vaļstis kēniņa dāls precētīs. Lapsa stuostīja, ka viņam bejis lels karaspāks, bet nūsleicis, tikai palykušas capures uz jyudeņa viersa. Kēniņš pīsacīja sovai meitai, lai idūd jam sausas drēbes, jo jaunais precinīks asūt izmiercis jvurā. Keniņa meita īdevja muļkīšam jaunas drēbes, kuru lopsa dīvynuoja par kēniņa dālu. Tod apsagērbja muļķis un aizbraucja uz kēniņa pili kai kēniņa dāls. Tod jis sasaprecēja ar kēniņa meitu un laidjās braukt uz precinīka muojom. Lopsa vedja pavysam uz cytu pusi, na tur, kur beja precinīka muojas. Kēniņš sovai meitai devja lelu karaspāku, kurs braucja reizē ar viņim. Braucja, braucja un īraudzēja skaistas muojas, lopsa īguoja vydā Tur dzeivuoja treis rogonas. Lopsa pasacēja rogonom, lai nūsagloboj, jo atejūt lels karaspāks. Rogonas vysas treis aizskrēja uz sīna škyuni, kurš atsaroda uz teiruma. Tod lopsa pīsacīja muļkīšam un kēniņa meitai īt tymuos muojuos, bet karaspākam pīsacīja sašaudēt škyunīti ar vysom rogonom. Tai rogonom tyka atjemta dzeivība, bet muļkis palyka ar kēniņa meitu skaistojuos muojuos.