3. A. 715. S k o l n i e k s n o J. R o ž a n a L a t g a l ē. N. R a n c ā n a k r.

Senuok laikim beja vīnai buobai vīglis, vīglis dziernaveņis.

Vīnā reitā atīt muojā - vairis dziernaveņu nav. Ustobā sādādama suokuse cīši rauduot. Īguojis gaideitis, vaicoj: "Kuo tu, buobeņ, raudi?"

"Kai es narauduošu, ka man nūzoga dziernaveņis?"

Gaileitis soka: "Pabaroj tu mani, es īšu maklāt dziernaveņu."

Tyuleņ buoba atnazuse mīžu sītu ustobā un pabāruse gaiļam. Gaileits aizguoja maklāt dziernaveņu. Paguojis gobolu, saticis lopsu, lopsa vaicoj : "Kur tu īsi?"

Gaileits soka: "Īsasaun man ūkstā!"

Tai lopsa īsasuove.

Gaileitis paguojis gobolu, saticis vylku, vylks vaicoj: "Kur tu īsi?"

Gaileitis atsoka: "Īsasaun man ūkstā!"

Tai vylks īsasuovs.

Gaileitis guojis par tiltu, ups [upe] vaicoj: "Kur tu īsi?"

Gaileitis soka: "Īsasaun man ūkstā!"

Tai ups īsasuove.

Gaileitis paguojia gobolu - veras: lela muiža. Īguojis mui žā, īsēdīs uz gaņkom dzīd: "Kikirigi, atdūd buobis dziernaveņis!"

Kungs izdzierdis pascējis sulaiņim, lai jū nūnas uz zūšu klāvu. Sulaiņi paklausa kunga, nūnas gaiļi uz zūšu klāvu.

Reitā kungs nūīt, dūmoj, ka jū zūsis sakopuos. Gaileitis palaidis lopsu, lopsa aprejuse zūsis. Kungs pasoka sulaiņim, lai jū nūnas uz zyrgu klāvu, kungs dūmoj, ka jū zyrgi nūspers. Gaileitis palaidis vylku, vylks nakti apsaplēsis vysus zyrgus! Sulainis īt reitā agri uz klāvu, atrūd, ka vysi zyrgi saplāsti. Gaileitis klāvā dzīdoj: "Kikirigi, atdūd buobis dziernaveņis."

Kungs pasaka sulaiņim, lai jū nūnas uz cisu šķiuni. Sulaiņi paklausa kunga i nūnas gaili uz škiuni, dalika jam guni i dūmuoja, ka jis sadegs. Gaileitis palaida upi i apdzisa guns. Gaileitis atskrēja uz gaņkom, dzīd: "Kikirigi, atdūd buobis dziernaveņis."

Kungs pasoka sulaiņim, lai jū nūkaun i lai sacap cepeti. Tis kungs jū apēdis.

Ūtrā dīnā jam pībrauc daudz gostu. Sasāduši vysi ap goldu, ta kungam vādarā suoc dzīduot: "Kikirigi, atdūd buobis dziernaveņis!"

Vīns kungs izruovis zūbinu, cierts tam kungam gurnā. Gailei tis izskrējis iz golda i dzīd: "Kikirigi, atdūd buobis dziernaveņis!"

Kungs pasoka sulaiņim, lai jū dasīn jam uz mugoras i lai jis aiznas tai buobai. Tai sulaiņi paklausa i dasīn jam uz smugoras dziernaveņis.