6. A. 1130. A. G a r i - J u o n e n o 81. g. v e c ā T. G a i l u m a, D o m o p o l ē. L a t v j u k u l t ū r a s k r ā j u m s.

Vīns cylvāks sadarīja pi Ventes (valna) par kolpu ar taidu nūrunu, ka jis naēss maizes ni druskas cauru godu, bet dzers tikai olu, kaids jam patiks. Jo jis izturēs godu bez maizes, tod jam Vente īdūs naudas maisu, jo na - tod izdzeis treis slūksnes par muguru. Jo Vente napībērs naudas maisu, tod Ventei izdzeis treis slūksnes par muguru. Pēc nūrunas atīt cylvāks pi Ventes un dasastuoj par kolpu, struodoj vysus dorbus, naād maizes ni druskas, tikai dzer vysaidu olu. Tai vys&127;u godu nūkolpuoja cylvāks Ventei, naādūt ni druskas maizes. Nyu Ventei vajag pībērt cylvākam naudas maisu. Cylvāks pajem cauroju maisu un soka Ventei, lai ber īškā naudu. Vente nūsveids nas un ber naudu maisā, bet maiss kai tukšs, tai tukšs. Vente nas vīnu dīnu, nas ūtru dīnu nu vysom molu molom naudu, trešā dīnā vairs nava ni nu kurines atnest. Nyu cylvāks par struopi izdzan vīnu slūksni par muguru. Ventei cīši suopēja, jis klīdzja, kaucja nu suopem un aizskrīn vēļ uz elli paprosa, lai jam īdūd naudas. Cyti elles dzeivuotuoji sasadusmoj, kam jis tik daudzi naudas dūd cylvākam, pajam sasyt jū, atsyt Ventei vīnu kuoju. Atlac Vente uz vīnas kuojas, atnas drusku naudas un īber cylvākam maisā. Kas tev dūs cauroju maisu pīpildēt? Izdarinoj vēļ ūtru slūksni Ventei par muguru. Tys nu suopem gotovs voi gaisā lēkt, izskrīn treis kēnests, naudas vaicuodams, atnas īber maisā, bet tys vys vēļ tukšs un suoc cīši iyugtīs cylvāka, lai tys palaiž jū vaļā.

"Nu labi," soka cylvāks, "atnes man vēļ treis reizes naudas, es tevi palaisšu vaļā."

Vente aizskrīn, salosa pa vysom malu molom naudu, cylvāks par tū laiku maisu aizšiva, atnas īber vīnu reizi, tod atnas īber ūtru un trešu reizi, drusku ir naudas maisā, cylvāks i palaiž Venti. Tam cylvākam Vente pībēŗa pylnu kambari ar naudu.