1. A. 1415. J. V a l a i n s L u b ā n ā A. A i z s i l a k r.

Beja duraks saldats, vysi jū gryusteja, vysi jū šturkava, tai jū i sadūmava pakuort: jī jū vad iz pakuoršonu. Kur bejus nabejus - īt garum ķēnaņa mjaita.

"Kur jyus jū vessit?"

"Iz pakuoršonu vjassim."

"Par kū jyus jū kuorsit?"

"Kū ar jū dareisim, ka taids duraks? Vysi jū gryusta, šturkoj, kai nav dzeivis jam, tai i nav."

Ķēņaņa meita atjam tū saldatu i aizvad da sātai, tai jei izīt pi juo. Ķēņaņš nadūd mjaitai ni pyura, ka jei īt pi taida duraka saldata. Ķēņaņa mjaita alzīt ar saldatu dzeivuot iz mīstjaņu. Ķēņaņš pasoka ūtra ķēņaņa dālam, kur juos ļūbēja, lai jis pakaļ staigoj i verās, kū tys saldats dareis. Ka juo sīva saceis, ka jis gudrys, labi dora, tūlaik jei byus na pylna pruota. Ķēņaņa mjaita atdūd saldatam skoru šolka i pīsoka, lai par tū atnas maizis. Saldats alzīt iz mīstu, a pēc juo pakaļ īt tys ķēņaņa dāls. Vad cylvāks gūvi, saldats klīdz: "Še tjav, cylvāks, šolku skora, atdūd man gūvi."

Cylvāks ar mīru i pamej gūvi iz šolku skorys. Vjass jau saldats tū gūvi iz sātu. Vad cylvāks kozu.

"Še tev, cylvāks gūvs, atdūd maņ kozu."

Tai jis i pamejs gūvi ar kozu. Nas buoba gaili puordūt.

"Še tjav, buobjaņ, koza, atdūd maņ tū gaileiti, jis taids skaists."

Tai saldats i pamej kozu iz gaiļa. Nas cylvāks nūpiercs&127; div streiķus.

"Še tjav, ciļvēcjaņ, gails, atdūd maņ tūs div streiķus, byus ar kū izkapti iztreit."

Saidats īsamej streiķis iz gaiļa. Īt saldats da sātai. Ajūt par tyltu jis īrauga upī daudz leidaku, svīss ar vīnu streiķi, svīss ar ūtru, tī streiķi i nūgrima. Tai kēņaņa dāls soka: "Kū duraks, tū duraks, i vysi pasceis, ka duraks."

Saldats aizīt da sātai i ķēņaņa dāls aizīt da saldata sātai: "Kū duraks, tū duraks, tavs veirs vairuok nikuo : šolku skoru sameja ar gūvi, gīmi sameja ar kozu, kozu ar gaiļi, gaiļa ar divejim streiķim. Īsavērs upī leidakys, i sasvīdja oba divi upī."

"Oi, jis gudrys, redz, ka jis gribēja leidakys nūsist, tik jam naizzadevja."

Ķēņaņa dāls aizguoja i pastuostēja juos tāvam, kai jei saldatu skaita par gudru. Tai ķēņaņš atdevja jīm pusi ķēņastis, saldats palyka gudrys nu tuo laika.