4. A. l457. S k o l n i e k s E g l ū n ā. N. R a n c ā n a k r.

Vīnam tāvam beja treis meitas un vysas treis šļupši runuoja. Atbraucja juom svuoti. Tāvs vēļ pyrms beja pīkūdynuojis juom narunuot. lai bryugons nazyna, ka juos šļupši runoj. Juos arī tai dora, kai tāvs sacījis. Te uzlāc uz golda vysta un suoc kņuobt maizi, Vacuokuo muosa nyu nanūcīš un klīdz: "Tyt, palaidne, kū tu doli?"

Vidējuo muosa īgodoj tāva aizlīgumu un puormazdama vacuokojai soka: "Tītja, tītja, napatītja!"

Bēt trešuo aizstuovādama vacuokū soka: "Kū tu byutim patītusi, ka vyta maizi topoj!"

Bryugons izdzierst vysu muošu šļupsterēšonu un aizbrauc prūjom.