5. A. 1525 G. L. Uļjana no M. Barkana Latgalē.

Reiz vīns zaglis beja sadūmuojis nūzagt nu veikala saiminīka vysu naudu. Īguoja jis veikalā un soka uz saiminīka: "Voi tu treis stundes atvoduosi ar rūku uz vīnu pusi un ūtru, nikuo narunuodams?"

Veikala saiminīks uzjēmēs šū vysu. Jis suocja un voduoja. Zaglis apsūlēja viņam dabasu valstību uz zemes, jo viņš šū izpildēs. Voduoja un voduoja ar rūku uz vīnu un ūtru pusi. Daguoja zaglis un izjēme vysu naudu nu veikala saiminīka. Viņam tik beja juovodoj, bet pasacīt nikuo navarēja. Zaglis aizguoja prūjom. Atguoja tierguotuoja dāls un redz : vys tāvs voduoja ar rūku uz vīnu un ūtru pusi. Dūmuoja dāls, ka tāvs ir nu pruota izguojis. Pēc trejom stundom nūstuoja voduot ar rūku un suocja runuot. Vys gaidēja tierguotuojs, kod zaglis grīzsīs atpakaļ ar dabasu valstību, bet izgaisa vysa nauda tierguotuojam un vēļ šū boltu dīn zaglis nav grīzīs uz tierguotuoja ar dabasu valstību.