9. A. 1539. Kozlovskis Preiļos.

Reiz dzeivova veirs ar sīvu vīnā sātā. Sīva vad gūvi uz tiergu puordūt, ceļā sateik popu. Pops grib gūvi pierkt un vaicoj: "Cik prosi par tū gūvi?"

Buoba soka: "Treis simti rubļu."

Pops ir ar mīru, aizmoksoj naudu un soka: "Reit sešuos stundēs aizīšu pēc gūvis."

Labi! vad buoba gūvi tuoļuok, sateik cytu popu, jis vaicoj: "Cik prosi par tū gūvi?"

Buoba soka: "Treis simti rubļu."

Pops ir ar mīru, aizmoksoj naudu un soka: "Reit septeņuos stundēs aizīšu pēc gūvis."

Buoba vad gūvi otkon tuoļuok un sateik vēļ cytu popu, jis vaicoj: "Cik prosi par tū gūvi?"

"Treis simti rubļu."

Pops ir ar mīru, aizmoksoi naudu un soka: "Reit astoņuos stundēs aizīšu pēc gūvis."

Reitā sešuos tundēs atīt pirmais pops pēc gūvis, bet saimi neica soka iz

popa: "Nūsagloboj! atīs muns veirs, jis tevi nūsiss."

Pops nūsabeida un vaicoj: "Kur man leist?"

"Līn zam cepļa!"

Pops nūvalk sovas drēbis, līn zalm cepļa. Atīt veirs, pajam popa drēbis un aizīt vēļ da žogorim. Septeņuos stundēs atīt ūtrys pops pēc gūvis, bet saimineica otkon soka: "Nūsagloboj! atīs muns veirs, jis tevi nūsiss."

Pops vaicoj: "Kur man leist?"

"Līn zam cepļa!"

Pops nūvalk drēbis, īlīn zam cepļa - verās: tur jau gu&127; ūtrys pops. Atīt veirs, pajam juo drēbis un aizīt vēļ da žogorim. Ostoņuos stundēs atīt trešais pops pēc gūvis, bet saimineica taipat soka: "Nūsagloboj! Atīs muns veirs, jis tevi nūsiss."

"Kur man leist?"

"Līn zam cepļa!"

Pops palīn zam cepļa - redz: tur jau divi sjād. Atīt veirs, pajam juo drēbis un aizīt. Popi nūsasyrda, kam jis atjeme jū drēbis i naudu i vēļ grib sist. Saiminīks nataisuos vys sist, bet soka iz popim: "Jo sist, nikuo napadareis, īsim lobuok da krūgaim izdzjart vīna." Popi ir arī ar mīru.

Saiminīks īskrīn vīnā krūgā un aikmoksoj 15 rubļu, ūtrā krūgā krūgā 15 rubļu un trešā krūgā 15 rubļu. Tad aizīt ar popim dzer vīnā krūgā, dzer ūtrā krūgā, dzer trešā krūgā, bet nikur nikuo namaksoj. Tik nūjam brīleiti (cepuri) nu golvas, dasyt iz golda un soka: "Kvit, Ivan Vasi!evič?" Krūdzinīki atbild: "Kvit!" un saimnieks īt prūjom ar sovim vīsim. Popi vaicoj: "Cik mes dzērem, bet par kū tu nikuo namoksavi?"

Saimnīks soka: "Man ir taida brīleite: jo tu nūjam nu golvas, tad nav nikas juomoksoj."

Popi soka: "Puordūd mums jū!"

Saiminīks atbild: "Piercit, jo gribit. Dūdit pa treis simti nu kotra!"

Popi aizmoksoj, kotrs pa treis simti, pajam saiminīka brīleiti un runoj: "Mes tān (tagan, tagad) dzersim i nikur navajadzēs moksuot."

Aizīt popi da vīnam krūgam, padzer iz 15 rubļu, dasyt ar brīļeiti iz golda un soka: "Kvit, Ivan Vasiļevič?" Krūdzinīks breinuos, kas par kvit. Ūtrys pops soka: "Tu namuoki dasis&127;t, dūd, man, es prūtu."

Krūdzinīks otkon nagrib klausīt. Tad trešais pops jam brīleiti, bet krūdzinīks sasadusmoj un sadūd visim trim par golvu. Kū jīm dareit? Aizmoksoj krūdzinīkam naudu un īt prūjom. Popi runoj: "Itys saimnīks myus apmuonēja, īsim un sissim jū!"

Saiminīks redz popus un taisa sovā sātā lelu trūksni. Popi jam vaicoj: "Kū tu tī dori?"

Saiminīks atbild : "Es pa tatarskam runuot vuicu (mācu)."

"Izvuici i myus!"

Saiminīks aizvad jūs da sātai, īvad vīnu vīnā kambarī un soka: "lzkar mēli!"

Pops ko izkar mēli, to jis atgrīž jam mēli, tys i murd: buļuļu, buļuļuļu.

Obi popi breinuos un soka: "Tys jau muok runuot. Cik mudri jis izvuicēja!"

Saiminīks nyu īvad ūtru popu kambarī, atgrīž jam mēli, i tys tān murd: buļuļu, buļuļuļu.

Tad īvad i trešū, atgrīz i tam mēli, i tys m&127;trd. Pēc kaida breiža popi nūmierst.

Atīt pi saiminīka saldāts i prashros iz nakstmuojas. Saiminīks īlalž saldatu, īdūd jam treis rubļi i soka: "Pi manis sātā ir valni. Mož iznessi tu nu mans vīnu."

Saldāts atbild: "Man nav baist, iznesšu."

Saihnnīks īvad jū un paruoda, kur gu! vīns pops. Saldāts pajam popu un aiznas jū nūsleicynuot. Saiminīks pajam īnas ūtru popu tymā kambarī. Atīt saldāts verās: vēļ utrys guļ. Jis pajam i aiznas ūtru. Atīt otkon, verās: vēl trešais guļ. Jis soka: "Te nikod jūs naiznest: vīnu nūnas, ūtrys atīt."

Nūnas jis trešū popu, verās: bāg vīns pops. Jis dadzan tū popu i nūsleicynoj jū arī.

Saiminīks īdeve saldātam10 rubļu i palaide.