1. A. 1844. St. Uļanovska Vilānos. Zbior wiadomosci do antropologii krojowej. T. XVIII, Krakavā 1895, 490. 22.

Dzeivuoja pops, a pi popa bjeja kolps, jis dzeivuoja pi juo, i jam paslikti bjeja: dorba gona, a āst pamoz, paslikti. Jis, kur atrozdoms pi popa sīvys, voi tī svīksta, voi krejuma, voi gaļis. pa kimūsam atgrīž i aizkūž, i kejumu izdzjer. l vvs jau tjei popa sīva nūjādz, ka ir aiztykts. Jei popam pasoka, ka aiztykts, a kolpam nasoka nikuo, ka vjāļ nebjeja juo dajāgusja. A tys kolps sadūmoj, ka byus slikti, ka jei jau mierkavoj pilnavuot, kas tū dora. Vot jis nūīt iz baznijcu, pajem vysim svātjejim izzīž mutis ir buordys, kuram ar kejumu, kuram ar svīkstu, aŗ kuram gaļis gobulu īsprīž zūbūs.

Atīt jau tys pops iz baznijcu reitā, vjeras, ka svātī vysi apzatupušīs (aptraipījušies) āzdami jau. Nu i pasauc jis sīvys, ka šy, dūmuojusi, ka kolps, a tī svātī šym tū doruši. Kai jēmja pjeicku pops, aizzasirdjāja stipri iz jūs, ka šam cik reizi vysu izāduši, ka suoka pjārt - pjāra, pjāra, cik vīn sirds ņasja. Iepjāra jau jūs, cik gribjēja.

A bjeja popam duorzs kaņepu apsāts, Iyls. Jis naimovāt struodnīku nagrib, kolpam juoplēš vīnam patjam. Vot jis pajem i sanas tūs svātūs kaņēpjās, tys kolps jau. Īt otkon reitā pops baznijcā, vjeras, ka nivīna svātuo nava, vaicoj iz kolpu: "Može tu redzjēji, kur jī nūguoja, svātī tī?"

Kolps soka: "A vot šys jiudini ņes's, dzierdjēja, ka kaņepjās murš nizkas!"

Nūīt pops jau vārtūs i atrūn jūs tī, jis prosa, prosa jūs, lyudzas, lai īt iz baznijcu, atīs svātdīņa, saīs ļauds, a nivīna svātuo baznijcā! Jī naklausa popa, naīt iz baznijcu. Vot jis prosa kolpa, lai īt jūs puorprosjēt, ka juo naklausa. A kolps atsoka: šys dzierdjējis, ka cīši aizzasirdjāja iz juo, kam jūs pjāra, ka jī tai runuojuši: šy jau pasjēdjēšķūs par dīnu kaņepjās, a par nakti šmaukškūš gobulā!"

Pops nūzabjeida, suok lyugt kolpa, šys tjev symtu rubļu moksuoškys, tik savjad jūs baznijcā! Nu, tys kolps cikom par nakt saņasja jūs baznījcā, a kaņepis vys's izlauzjēja, nivīnys napamjatja" ka jau tī svātī tai padarēja nu siržu. Pjēc tuo symtu rubļu dabuoja nu popa, a popu i bjez kaņepu i bjez naudys pamjatja.