Veļi māžojas.

43. A. Gari-Juone no 65 g. v. Gailumu Tekļas Domopolē.

Vīna jauna meita nūgubej bārnu un pabuož vušku klāvā zam syudim. Natuoļi nu tuo klāva kryumi un tuoļuok mežs. Pēc bārna nūgubēšonas kotru nakti nazkas staigoj un blēj pa paeglem. Tū daudzi kas dzierdēja un baidējās īt nakti pa kryumim. Beja vosoras laiks, Jurs atvad uz tū plovu zyrgus ganīt, sakur kryumūs guni, atsasāst pi guns, peipej un dzierd, ka nazkas staigoj pa kryumim un blēj. Jis beja cīši drūss vecs, sēd mīrīgi, redz: taids kai vylks, kai suns īt blādams uz gunkura pusi. Jurs pagyun gunspagali kai žvūrdz tam suņam, tai tys izzaslīn uz augšu un kai malns stulps izput. Jaunu meitu nūgubētu bārnu dvēseles staigoj viers zemes, cykam nūmierst bārna muote. Tad juo vītā staigoj rnuotes dvēsele un tai pat bīdej ļauds tamā vītā.