Veļi nogalina cilvēkus.

15. A. Gari-Juone no 50 g. v. Apses Kokorevas pag.

Reizi saslyma vīna švaka sīvīte un nūmyra. Aiznesja jū, apmozguoiuši ar syltu yudini, uz smēdi, apsēja ar dvīļim ap kuojom, kryutim un nūlyka uz golda. Ūtrā dīnā beja tiergs, lauds braucja pulkim caur smēdi un dzierdēja, ka smēdē sauc: «Ļautiņi, mīļī, palaidit mani vaļā, man solts!» Saucīni dzieržūt stypruok, īmetja zyrgam ar peicku, lai paskrīn garum. Tamā smēdē jau pa laikam bīdēja ļaudis. Aizīt jauni un vaci uz smēdi, lai myrūni nūlikt grobā un aizvest uz kopim. Vysi redz, ka dvīls, kurs ap rūkom apsīts, atraisīts, vīns bārns pīmīgts uz kryutim, a ūtrs nūkrits nu golda zemē. Vīna myrūna vītā paglobuoja trejus. Pēc tam vīnmār baidīja cylvākus, kuri braucja pušnaktīs gar tū smēdi.