Dažādas teikas par naudu.

Ludzas apriņķī natuoļ nu Zaļās muižas, staro Kosnopoles un Apinķīm, vacūs laikūs bejusi lela pils, kuŗai cauri upe tecējusi. Šitū pili ispūstējs Juons Groznais. Tagad tur ir tikai tuods paaugsts kolns. Par šitū pošu kolnu nūstuosta, kai zam kolna ji ola, kur var tikt pa mozu, mozu caurumu. Godu ostoņdesmit tam atpakaļ tajā kolnā beja leiduši ļauds naudas vaicuot. Bet kolnā varējuši leist tikai ap tū laiku, kad ļauds ap bazneicu guoja 1eldīnu reitā. Un tā tūreiz, godu ostuņdesmit tam atpakaļ, taidi divi cilvāki, Soloničs un Platpīrs, leiduši tal kolnā vidā. Īleiduši pa tū mozū caurumu, īraudzējuši durovas. Pi durovom bejs malns suns un meitiņa. Meitiņa tam suņam pavēlēja jūs naaiztikt, bet jīm atvēlēja pajimt treju garču muciņu zalta. Jī pajāmuši tū zaltu, izleiduši otkon uorā i zaltu aiznasuši uz Platpīra sātu, jo Platpīra sāta beja tivuok. Bet kai ap leldīnom zaltu nadalēja, tad nūrunuoja daleišanu izdareit reit. Bet reitā Platpīrs ta&127;m Soloničam nadūd. Obi suok kautīs, bet tuoda kolna nauda jau nameiļo tuodas lītas. Un to tas zalts i otkon pagolam. Šī obi nūsareistas vīn, bet zalta ni duka.