Vilkats atsvabināts.

19. A. Gari-Juone no 80 g. v. Lazdiņu Zuzanas Domopole.

Vīns jaunūs puors sasalauloj, atbrauc uz sātu, dzer izdeveņas un prīcojas. Te par reizi vysi divpadsmit ponuoksni un jaunī palīk par vylkim. Suok dzeitīs pēc izskrējušīm vylkim vaicoj pa mežu, bet atrast un sagyustīt navar. Pēc kaida laika vīns cylvāks sateik taidu lānu vylku, tys vylks pasacel uz pakaļes kojom un ruoda ar prīškas lāpu, lai jam puorškērž uodu. Smilkst un ruoda, lai puorškērž. Tys cylvāks pajem un puorškērž. Nū uodas izzaveļ sīvīte. Jis jū labi pazyna, ka jei ir apbūrtuo jaunive, a cyti tai i izgaisa kur kurais. Seņuok jau brīsmīgi beja : par kū jēmja, Par tū i puortaisīja.