2. A. Gari-Juone no 80 g. v. Lazdeņu Zuzonas Domopolē.

Seņuok muotes kai jēmja, tai varēja bārnus puorluodīt. Kura beja sirdīga muote, tai nabeja nivīna jēdzīga bārna. Vīna muote sovu dālu nūluodījuse, nūsaukdama par brīdaklu. Tys par reizi palicis ni cylvāks, ni zvārs, milzīga auguma, malns, ar lelu golvu, taišņi kai brīdaklys. Tai tys dāls komuojās vysu dzeivi i nūmyra par taidu pat najēdzīgu.