Juoņa dīnas reitā vīns puisis īt zyrga apsavārtu. Redz uz pļovas buobu apsaplātušu ar boltu pologu. Jei plyuc klēpī zuoli un soka: «Raibuos, boltuos, sorkonuos, malnuos, dyukonuos un vysu!» Puisis valk apaušus pa pļovu un soka buobai pakaļ: «Raibuos, boltuos, sorkonuos un t. t.» Puisis atīt uz sātu un pakar apaušus uz kubula. Par laiciņu verās: nu apaušim pīns tai i tak. Jau pylns kubuls pītecējis. Puisis sasabeist grāka, un sadadzynoj apaušus. Vēl stuosta, ka par rogonu pastuosta baznīckungam, jis tad viņai aizlīk struopi.